home-v15

មន្ទីរធម្មការ និងសាសនាខេត្តរតនគិរី សូមបញ្ជាក់ថា វត្តគិរិរតនារាម ហៅវត្តត្រពាំងក្រហម ស្ថិតនៅភូមិ១ ឃុំត្រពាំងក្រហម ស្រុកកូនមុំ ខេត្តរតនគិរី បានផ្ដួចផ្ដើមកសាងឡើងនៅក្នុងឆ្នាំ១៩៩១ ដោយពុទ្ធបរិស័ទចំណុះជើងវត្ត និងពុទ្ធបរិស័ទជិតឆ្ងាយ និងមានចៅអធិការគ្រប់គ្រងជាបន្តបន្ទាប់។ ដោយការគ្រប់គ្រង​របស់ព្រះចៅអធិការវត្តមុនៗ មិនបានជាប់លាប់ ទើបនៅក្នុងឆ្នាំ២០១៥ មន្រ្តីសង្ឃខេត្តរតនគិរី បាននិមត្តព្រះភិក្ខុធម្មជោតិបណ្ឌិតោ សេង ប៊ុនធឿន គង់នៅវត្តនាគវ័ន្ត រាជធានីភ្នំពេញ មានស្រុកកំណើត នៅភូមិត្រពាំងកំភ្លាញ ឃុំអង្គភ្នំតូច ស្រុកអង្គរជ័យ ខេត្តកំពត កាន់ឆាយាលេខ ០១៥.០៣.០៦ អនអជ បួសបាន១៣ព្រះវស្សាមកគង់នៅ នឹងត្រូវតែងតាំងជាព្រះចៅអធិការវត្ត រហូតមកដល់បច្ចុប្បន្ន ។